Saturday, November 23, 2019

සඳ | වලාකුළු | අපි...


බොහොම මෑත දවසක අවුරුදු ගණනකට වතාවක් පෙනෙන තැඹිලි පැහැති සඳක් දකින්න ලංකාවේ අපිට අවස්තාව උදා වුනා.  හවස 6.50 ට විතර හැමෝම එලියට බැහැලා තමිබිලි හඳ බලන්න බලාපොරොත්තුවෙන් හිටියා.

ඒත් සිද්ධ වුනේ කවුරුවත් හිතුවේ නැති දෙයක්. වැහි වලාකුළු වලින් මුළු අහසම පිරිලා කාටවත් ඒ අවස්ථාවේ තැඹිලි සඳ සකින්න වුනේ නෑ.

සඳ කෙසේ වෙතත් සඳ එලියවත් දකින්න වුනේ නෑ.

ඉතින් හිතන්න සඳ ත් සඳ එළියත් වහගන්න තරම් හැකියාවක් වැහි වලාකුළු වලට තියෙනවා.

මිනිස්සුන්ගේ ප්‍රඥාව ත් මෙන්න මේ හඳ වගේ. හැමෝටම තියෙනවා ප්‍රඥාව. නමුත් ඒ බව දන්නේ කීයෙන් කී දෙනාද.

මොකද මිනිස්සුන්ගේ ප්‍රඥාව නමැති හඳ භාහිර ලෝකය කියන වැහි වලාකුළුවලින් හැංගිලා තියෙන්නේ. එහෙමත් නැත්නම් වැහිලා තියෙන්නේ.

ඉතින් මිනිස්සුන්ට ඒ හඳ පේන්නෙත් නෑ. නමුත් ඒකෙන් කියවෙන්නේ හඳක් නෑ කියන ඒක නෙමෙයි. හඳ තියෙනවා, ඒත් පෙන්නේ නෑ වැහි වලාකුළු නිසා.

ඔබත් මේ භාහිර ලෝකයේ අනන්තයක් වූ දේවල් ගැන හිත හිත වදවේවි ඉන්න තාක් කල් ඔබට ඔබේ ප්‍රඥාව දැකගන්න ලැබෙන්නේ නෑ.

ඒ නිසයි ප්‍රඥාව පහල වෙනවා කියල කියන්නේ. ප්‍රඥාව කියන්නේ අමුතුවෙන් ඇති කරගන්න පුළුවන් දෙයක් වත්, ඉගෙන ගෙන උපාධියක් වගේ ගන්න පුළුවන් දෙයක්වත් නෙමෙයි. අපි හැමෝටම තියෙන ප්‍රඥාව අපම විසින් වහගෙනයි ඉන්නේ. ඒත් දවසක අපිම  ඒ වැහිලා තියෙන ප්‍රඥාව වලාකුළු අයින් වුණාම දකින සඳ වගේ දකිනවා. අන්න ඒ නිසයි ප්‍රඥාව පහල වෙනවා කියන්නේ.

ඒත් ප්‍රඥාව පහල වෙන්න නම් ඔබට සිද්ධ වෙනවා භාහිර ලෝකයේ කෙළවරක් නැති අනන්තයක් වූ අනවශ්‍ය දේවල් වලින් මනස ඉවත් කරගෙන තමන් ගැන හිතන්න.

ඔබ වෙහෙසෙන්නේ දේශපාලනය ගැන නම්, අපේක්ෂකයින් ගේ වැරදි, හොඳ දකින්න නම්, තමන්ට කිසි සෙත් අදාල නැති දේවල් ගැනනම්, තමන්ට කිසිම දෙයක් කරන්න බැරි දේවල් ගැන නම්, ඔබ මේ භාහිර සමාජයේ තියෙන තමන්ට අනවශ්‍ය දේවල් ගැන වදවෙන කෙනෙක්. ඔබට ප්‍රඥාව තව බොහෝ දුරයි.

මොකද ඔබ හොයන්න ඕනේ ඔබ ගැන මිසක්, අනුන් ගැන නෙමෙයි. මුලින් තමන් ගැන හොයන්න, ප්‍රඥාව පහල වුනු ගමන් ඔබට අනුන්ව නිකන්ම තේරෙන්න පටන් ගන්නවා. එතකන් ඔබ අනුන් ගැන සොයන හැම මොහොතක්ම ඔබ කරන්නේ ඔප දුප හෙවීමම විතරයි.

හිස් වචන කතා කරන ඒක විතරයි.

ඔබගේ ප්‍රඥාව නමැති සඳ දැනටමත් තියෙන දෙයක්. ඒත් භාහිර ලෝකය කියන වැහි වලාකුලෙන් ඒ හඳ වැහිලා තියෙන්නේ. ඒ හඳ එලියට අරන් බලන ඒක ඔබට මිසක් වෙන කාටවත් කරන්න පුළුවන් දෙයක් නෙමෙයි.

මේ හඳ වැහි වලාකුලෙන් එලියට අරන් ඒ හඳ එළියෙන් නැහැවේවායි ප්‍රාර්ථනා කරමි..!

2 comments: