මේ තවත් කියමනක් අපේ මුතුන්
මිත්තන්ගෙන් අපි ඉගෙනගත්තු. ඒත් මොකක්ද හේතුව?
මේ ගැන අපි හැමෝම දන්නවා. ගලක් ඒක
තැන තිබ්බොත් තමයි පාසි බැඳෙන්නේ. හැබැයි ගලක් ඒක තැන තියෙන්නේ නැතුව පෙරලි පෙරලි
වතුර දිගේ ගහගෙන යනවා නම්, ඒ ගල පාසි බැඳෙන්නේ නැතුව තියෙනවා.
හැබැයි අවශ්‍යතාවය පාසි බැඳීම නම්..?
මේකයි කතාව.
ගලක් ගඟක් දිගේ පෙරලි පෙරලි යද්දී ඒක
එක තැනක රැඳෙන්නේ නැතුව තියෙද්දී ඒ ගල
කිසිම පාසියක් බැඳෙන්නේ නැතුව තියෙනවනේ.
අපේ ජීවිතත් ඒ වගේම නේද. අපි ඒක
දෙයක් ගැන නෙමෙයි හිත තියාගෙන ඉන්නේ. අපි හිතන්නේ ඒක දෙයක් ගැන නෙමෙයි. අපි හැමදේම
ගැන හිතනවා, හැමදේම කරනවා. අන්තිමට අපිට එකක්වත් බෑ.
හැබැයි ගල එක තැනක රැඳුනොත්, එතන
ඉඳන් ගල මතුපිට පාසි බැඳෙන්න පටන් ගන්නවා. මොකද දැන් ගල කොහෙවත් ගැටෙන්නේ නෑ. ඒක
තැනක නිශ්චලව රැඳිලා තියෙන නිසා.
අපිත් ඒක දෙයක් ගැන විතරක් උනන්දු
වුනොත්, ඒක දෙයක් ගැන විතරක් හිතුවොත්, අපිට ඒ දේ ගැන හෝදන අවබෝධයක් එනවා නේද?
මොකද අපි අපේ මනස එකතු කරන්නේ ඒක දෙයක් කෙරෙහි විතරයි.
හැමදේම එක්ක ගැටෙන්නේ නෑ.
ඉතින් ඔබට තේරෙනවද අපේ හිතත් නිකන්
පෙරලෙන ගලක් වගේ කියලා. ඒක වෙලාවක මෙතන, ඊට පස්සේ මොහොතේ තවත් තැනක, ආයෙත් වෙනත්
තැනක. මේ හිත එක තැනක තියන්න කොච්චර අමාරුද? ඉතින් හිතට එක එක දේවල් එනවා යනවා.
හැබැයි එකක් වත් රැඳෙන්නේ නෑ හිතේ. ඉතින් හිත වැඩි දේවල් එක්ක ගැටෙන්න ගැටෙන්න,
හිත එක තැනකින් තවත් තැනකට, එතනින් තවත්
තැනකට මාරු වේවි ඉන්නවා.
ඒත් අපි එකම දෙයක් ගැන දිගටම
හිතුවොත්?
අන්න ඒ දේ ගැන විතරක් හිතද්දී අපිට
හොඳ අවබෝධයක් එනවා ඒ දේ ගැන.
ඉතින් අපි හිතුවට පෙරලෙන ගලේ පාසි
බැඳෙන්නේ නැති ඒක හොඳ දෙයක්, ඒ නිසා ගලක් පෙරලි පෙරලි තියෙන ඒක හොඳයි කියලා,
ඇත්තටම සිද්ද වෙන්න ඕනේ ගලේ පාසි බැඳෙන එක නම් මොකද වෙන්නේ?
අපි මෙච්චර කල් හිතාගෙන හිටපු විදිය
වැරදියි නේද එහෙනම්?
ආධ්‍යාත්මික ලෝකයේදී ඇත්තටම සිද්ද
වෙන්න ඕනේ ගල මතු පිට පාසි බැඳෙන එකයි. පාසි නොබැඳි තියෙන තාක් කල් මේ මහා භයානක සංසාරේ දුක් වින්ද වින්ද ඉන්න පුළුවන්.
ඔබේ හිතත් එක එක තැන් වල ගැටී ගැටී ඒ
මේ පැත්තට පෙරලෙන ගලක් ද නැත්නම් එක තැන තියෙන ගලක්ද කියල ඔබ දන්නවා. එහෙනම් පාසි
බැඳෙයි ද නැත්නම් බොහොම පිරිසිදුව තියෙනවද ඔබ දන්නවා.
මතක තියාගන්න ලෝක දෙකක් තියෙයි ලෞකික
සහ අධ්‍යාත්මික කියල. මේ ලෝක දෙක සම්පූර්නෙන්ම අන්ත දෙකක තියෙන ලෝක දෙකක්.
එකක හරි දේ අනිත් එකේ වැරදියි. එකක
වැරදි දේ අනිත් එකේ හරි.
ලෞකික ලෝකයේ ගල මතු පිට පාසි නොබැඳි
තියෙන තාක් කල්, පිරිසිදුව තියෙන තාක් කල් හොඳයි කිව්වට, අධ්‍යාත්මික ලෝකයේ ගල
මතුපිට පාසි බැඳෙන එකයි හොඳ.
අපි කොච්චර රැවටිලාද..?
No comments:
Post a Comment