Wednesday, November 13, 2019

තවත් ලෝක දෙකක් 2


අපි පෙර ලිපි මාලාවෙන් ලෝක දෙකක් ගැන බොහෝ විස්තර කතා කරා.

මේ ඒ ලිපි මාලාවේ අවසන් ලිපිය වීමට බොහෝ විට ඉඩ තියෙනවා.

මෙතෙක් කතා කර කරුණු අනුව ලෞකික ලෝකය ඉන්ද්‍රිය ගෝචර ප්‍රත්‍යක්ෂයෙන් කටයුතු කරන බවත්, අධ්‍යාත්මික ලෝකය ප්‍රඥා ගෝචර ප්‍රත්‍යක්ෂයෙන් කටයුතු කරන බවත් ඔබට පැහැදිලි ඇති.

අප පෙර ලිපිය සාකච්ඡා කර බටහිර විද්‍යාව මත පදනම් වූ තාක්ෂනය සහ පෙරදිග අධ්‍යාත්මය මත පදනම් වූ තාක්ෂනය යනු මේ ලෝක දෙකේ ප්‍රතිඵලයකි.

බටහිර විද්‍යාව ඉන්ද්‍රිය ගෝචරයෙන් කටයුතු කරන අතර ඒ සඳහා ඉන්ද්‍රිය ගෝචර පර්යේෂණ සිදු කරයි. එහිදී ඔවුන්ට එම සියලු දේ ඇසට පෙනීමට, කනට ඇසීමට වැනි පංචේන්ද්‍රියන් ට හසු විය යුතුමය.

නමුත් පෙරදිග ප්‍රඥා ගෝචරයෙන් කටයුතු කරයි. එහිදී ඔවුන් ප්‍රයෝගික පර්යේෂණ සිදු කර එය ඇසින් බැලීම හෝ කනින් ඇසීම සිදු නොකරයි. ඔවුන් එය තමන්ගේ මනසින් සිදු කරයි.

ඔබ නිකොලා ටෙල්සා ගැන අසා ඇත්නම් ඔහුට ඕනෑම නිර්මාණයක් සිදු කිරීමට කිසිදු සැලැස්මක් ඇඳ රූප සටහන් සැදීම අවශ්‍ය නොවුනි. ඔහු ඒ සියල්ල ඔහුගේ මනසින් සිදු කර අයෙකි.

ඔහු පවසා ඇති පරිදි යම් නිර්මාණයක් සිදු කිරීමට ඔහු සිතද්දී ඔහුගේ මනසින් එම නිර්මාණය ඔහු විසින් නිපදවයි. එය කොතෙක් දුරට සංකීර්ණ ද කිවහොත් ඔහු පවසන පරිදි එම නිර්මාණයේ ඇන මුරිච්චි පවා ඔහු මනසින් තද කරන බව.

මෙය වර්තමානයේ හොලෝග්‍රෑම් තාක්ෂනය තමන්ගේ මනසින් සිදු කිරීම වැනිය.

එය ප්‍රඥා ගෝචරයෙන් කටයුතු කිරීමයි.

එබැවින් ප්‍රඥා ගෝචරය යනු පෙරදිගට පමණක් අයත් දෙයක් නොවේ. එය මුළු මහත් මිනිස් සංහතියටම හැකි දෙයකි. නමුත් ඒ සඳහා ඉන්ද්‍රිය ගෝචරයෙන් දුරට සිතිය යුතු වේ.

දැන් ඔබ මෙසේ සිතන්න.

මීට වසර 10000 පෙර හින්දු දර්ශනයේ පවසා ඇති මීට වසර 2500 ට පෙර බුද්ධ දර්ශනයේ පවසා ඇති එකින් එක වර්තමානයේ බටහිර විද්‍යාව විසින් සොයාගනිමින් සිටි.

මෙහි සත්‍ය ඔබට නොතේරෙන්නේ ද?

හින්දු සහ බෞද්ධ දර්ශනය ප්‍රඥාවෙන් දුටු දේ දුටුවේ මීට වසර දහස් ගණනකට පෙරය. නමුත් ඔවුන් එය දුටුවේ මනසිනි. මනසින් දුටු දේ ඔප්පු කර නොහැක. නමුත් ඔවුන් එය සත්‍ය බව දන්නා නිසා එය පැවසුහ.
එය පරිසරය අඳුරු වන විට ඔබ ඉක්මණි ගොස් රෙදි ටික ගේ ඇතුලට අරගනීමක් වැනිය.

ඔබට ඔප්පු කිරීමට කිසිදු හැකියාවක් නැහැ ඔබ රෙදි ටික ගත්තේ මේ නිසා කියලා ඒ අදාළ මොහොතේම. ඊට ඔබට ඉවසා සිටිය යුතුයි ඔබ මනසින් දුටු දේ සිද්ධ වෙන තෙක්.

ඉතින් ඔබ එසේ රෙදි ටික ගත විට ඔබගේ අසල වැසියා ඔබට හිට්නා වෙනවා, හරි මෝඩයි නේ, කළුවර කරා කියලා එඩි අකුලන්න ඕනෙද. අනේ මන්ද මොන විකාරද කියලා. ඇයත් රෙදි ටික වැලේ වනා ඇති බව මතක තබා ගන්න.

ඔබට දැන් ඔප්පු කර නොහැකියි ඇයි ඔබ රෙදි ටික ගත්තෙ කියලා. මොකද ඔබ එය දුටුවේ ප්‍රඥාව මගිනි. එය ඉන්ද්‍රිය ගොචාරයට හසු වන්නේ නැත. (දැන්ම)

නමුත් ඔබ ඉවසගෙන ඉන්නවා ටික වෙලාවක්. දැන් ටිකෙන් ටික වැහි බින්දු වැටෙන්න පටන් ගන්නවා. ඔබ ප්‍රඥාවෙන් දුටු දේ දැන් සියල්ලගේම ඉන්ද්රියට ගෝචර වෙනවා.

ඔවුන් හානි හනිකට රෙදි ටික ඇතුලට ගන්නවා. නමුත් දැන් රෙදි ටිකක් තෙමිලා ඉවරයි.

කෙසේ හෝ ඔබේ අසල වැසියා දැන් ඔබට මුහුණ දෙන්නේ නෑ. මොකද ඇය තේරුම් ගත්තා ඒ මොහොතේ ඔබව සමච්චලයට ලක් කරාට, ඒ මොහොතේ ඔබව පහතට හෙලා කතා කරාට, ඔබ ඇයට වඩා දෙයක් දකිනා බව.

බටහිර විද්‍යාව සහ පෙර දිග දර්ශනත් මෙන්න මේ වගේ.

මීට වසර දහස් ගණනකට පෙර පෙරදිග දර්ශන ප්‍රඥාවෙන් දුටු සියල්ල දැන් දැන් බටහිර විද්‍යාව එකින් එක ඔප්පු කරමින් සිටි.

මන්ද ඒ දේවල් ඉන්ද්‍රිය ගොචාරයට හසු කරගැනීමට තරම් තාක්ෂණයක් තිබෙන්නේ දැන් නිසාවෙනි.

නමුත් ඔවුනුත් සිදු කරන්නේ ප්‍රඥාවෙන් උපකල්පනය කර එයම එසේ සිද්ද වේදැයි තහවරු කරගනීමම නොවේද?

ඔවුන් යමක් මෙසේ සිදු විය හැකියැයි මනසින් සිතා එය එසේ වන බව ඉන්ද්‍රිය ගෝචරයෙන් තහවරු කරගැනීම මිසක වෙන කුමක් නම් කරන්නේ ද?

ඔවුන් පුදුම වෙනවා මේ තාක්ෂනය නැතුව මීට වසර දහස් ගණනකට පෙර මේ පෙරදිග මිනිසුන් මේවා ගැන කිව්වේ කොහොමද කියලා.

පිළිතුර හරිම සරලයි.

ප්‍රඥාව මගින්. එයට කිසිදු මිල අධික තාක්ෂණ, උපකරණ කිසිවක් අවශ්‍ය වන්නේ නෑ.

දත්ත ඔබේ පංචේන්ද්‍රියන් ගෙන් ඇතුල් කර මනස නැත්නම් ප්‍රඥාව මගින් සැකසීම පමණයි කර යුත්තේ.

නමුත් අද වන විට මේ ප්‍රඥා ගෝචරය කොයි තරම් භාවිතා වෙනවද? කොහේද ප්‍රඥා ගෝචරයට අවස්තාවක් දෙන්නේ.

අද සියල්ලම සිදු වන්නේ, තීරණය වන්නේ කොටින්ම පිළිගන්නේ ද ඉන්ද්‍රිය ගෝචරය මත පදනම් වයි. 

පෙරදිග අපද අද වන විට මෙම ඉන්ද්‍රිය ගෝචරය මත සියල්ල සිදු කරමින් සිටි.

කෙසේ නම් තාක්ෂණයක් ප්‍රඥාවක් තිබු පිරිසක් ද..?

Tuesday, November 12, 2019

වැඩියෙන් පුරවන ගිණුම...

අපි අපේ ජීවිත කාලේ පුරාම ගිණුම් එක්ක ගනුදෙනු කරන පිරිසක්.

ඉපදුනු ගමන් දෙමව්පියෝ ආරම්භ කරන බැංකු ගිණුමෙන් පටන් අරන් විවිධාකාරයේ ගිණුම් වලින් ගනුදෙනු කරනවා.

නමුත් මේ කතා කරන්නේ අපි භාවිතා කරන ප්‍රධාන ගිණුම් දෙකක් ගැනයි.

1.බැංකු ගිණුම
2.කර්ම ගිණුම

බැංකු ගිණුම අයත් වන්නේ භෞතික ලෞකික ලෝකයට සහ කර්ම ගිණුම අයත් වන්නේ අධ්‍යාත්මික ලෝකයට.

ඉතින් ඔබ මේ ලෞකික ලෝකයේ බැංකු ගිණුම පුරවන්න වෙන මහන්සිය, උත්සාහය, කැපවීම අධ්‍යාත්මික ලෝකයේ කර්ම ගිණුම පුරවන්නේ නැතුව ඉන්න දැරුවානම් ඔබ අද වෙද්දී නිවන් දැකලා ඉවරයි.

අපි ඒ කතාව තේරුම් ගනිමු.

බැංකු ගිණුම පුරවන සෑම විටකම ඔබේ කර්ම ගිනුමත් පිරවෙනවා නිකන්ම. එය ඔබ දන්නෙවත් නැතුව සිද්ධ වෙන නමුත් ඔබට වැළක්විය නොහැකි දෙයක්.

ඉතින් හොඳයි නේ ඒ ගිනුමත් පිරවෙන එක.

ඔව් හොඳයි නම් තමයි. ඒත් කර්ම ගිණුමේ ඔබ පුරවන්නේ මොනවද කියලා නොදැන එසේ කීම මෝඩකමයි.
ඔබ බැංකු ගිණුම පුරවන සෑම විටම ඔබ රැස් කරන්නේ කර්මයි. එය හොඳ කර්ම මෙන්ම නරක කර්ම යන දෙආකාරයම විය හැකියි.

ඔබ රැස් කරන්නේ මොන ආකාරයේ කර්මයක් වුවත් එය ඔබගේ සංසාරය දික් කිරීමට හේතුවක් වන බව අප දැන් දන්නා කරුණක්.

ඔබ හොඳින් මුදල් උපයා ඔබගේ බැංකු ගිණුම පිරවීම නරක දෙයක් නොවේ. එය නරක කර්ම රැස් කිරීමක් නොවේ. නමුත් ඒ ඔබ වැය කරන්නේ මේ සසරෙන් මිදීමට ඔබට ලැබී ඇති දුර්ලභ අවස්ථාවකි. එසේම ඔබ හොඳින් මුදල් උපයා බැංකු ගිණුම පුරවද්දී ඔබ තුල ආශාව වැනි කර්ම සිත් ඇති වේ. ඒවාට කර්ම විපාක ද ගෙවිය යුතු වේ. වෙනත් වචන වලින් කිවහොත් සසර දිගු වේ. ඔබ ඉපයූ මුදල් වලින් ජීවිතය විඳීමෙන්, ඇති වන කර්ම විපාක ගෙවීමට සිදු වේ. එනම් සසර දිගු වේ.

ඔබ නරකින් මුදල් උපයා බැංකු ගිණුම පුරවයි නම්, නිසැකයෙන්ම ඔබට නරක කර්ම රැස් වේ. ඒවා විපාක දෙන්නේ තිරිසන් භව වල ඔබට විඳවීමට සිදු වීමෙනි. ඔබ එම මුදල් වියදම් කර ජීවිතය විඳින අතර රැස් කරන කර්ම ද විපාක විඳිය යුතුය. නරකින් මුදල් උපයා හොඳ වැඩ කරද, ඔබට නරක විපාකයෙන් බේරීමට නොහැකි අතර, කරනා හොඳ වැඩ සඳහා හොඳ විපාකද ලැබෙනු ඇත. නමුත් පළමුව තිරිසන් ආත්ම වල විඳවා ඉන් පසු හොඳ කර්ම ඵල දෙනු ඇත.

ඔබ ඔබේ බැංකු ගිණුම පුරවන විට අනෙක් පැත්තෙන් කර්ම ගිණුමද පිරෙන්නේ ඒ ආකාරයෙනි.



ලෞකික ලොව තුල සැප දේ ආධ්‍යාත්මික ලොව තුල දුකක් ද, ආධ්‍යාත්මික ලොව තුල සැප දේ ලෞකික ලොව තුල දුකක් ලෙසද පෙනේ.

එය ලෝකයන් දෙකෙහි ස්වාභාවයයි.

එබැවින් නැවතත් එක් දෙයක් සාක්ෂාත් වී ඇත.

එනම් ලෞකික ලොව සහ ආධ්‍යාත්මික ලොව කෙදිනකවත් එකට එකතු විය හැකි ලෝකයන් දෙකක් නොවේ.

එබැවින් එක් ලොවක්, එක් අන්තයක් තෝරාගන්න. නැත්නම් ඔබ අතරමන් වනු ඇත.

Monday, November 11, 2019

ඉන්ද්‍රිය ගෝචරය සහ ප්‍රඥා ගෝචරය...


මේ වචන දෙක අපේ ජීවිතයේ ඕනෑතරම් අසා ඇති. නමුත් මෙහි අර්ථය කුමක්ද ඔබ දන්නවාද?

සරල අර්ථය නොවේ, නිවැරිදි අර්ථය?

ඉන්ද්‍රීය ගෝචර යනු පංචේන්ද්‍රියන් a හසු වන යන සරල අර්ථයයි.

ප්‍රඥා ගෝචර යනු ප්‍රඥාවට හසු වන යන සරල අර්ථයයි.

ඉන්ද්‍රිය ගෝචර නම් අපට තේරුම් ගත හැකියි. නමුත් මේ ප්‍රඥා ගෝචර යනු කුමක්ද?

උදාහරණයකින් අපි ඒ බව තේරුම් ගනිමු.

ඔබට පේනවා අහස කළු කරගෙන එනවා කියලා.

දැන් ඔබ ඒ බව ගෝචර කරගත්තේ ඔබේ ඇස නමැති ඉන්ද්‍රියෙන්. එය ඔබ දැකීම යනු ගෝචර කරගැනීමයි.
මෙහි ප්‍රඥා ගෝචරය නම් එතනින් එහාට මනසින් දැකීමයි.

ඔබ තවම දුටුවේ අහස කළු කිරීම පමණි. එම ඉන්ද්‍රිය ගෝචරයෙන් ලබා ගත් දේ ඔස්සේ තව දුරටත් දැකීම ප්‍රඥා ගෝචරය වේ.

ඔබ දැන් දකිනවා, තව ටික වෙලාවකින් වැස්සක් එන බව. රෙදි ටික වැලේ ඇති බවත්, රෙදි ටික හකුලා ගෙට නොගත්තොත් රෙදි වැස්සට තෙමි නැවතත් තෙත බරිත වෙන බවත්. නමුත් මේ කිසිවක් සිදු වුවේ නැත. 

තවමත් අහස කළු වූවා පමණි.

එම ප්‍රඥා ගෝචරය අනුව ඔබ ඉක්මනින් රෙදි ටික හකුලා ගෙට ගනියි. ටික වේලාවකින් වැස්සක් ඇදහැලීම ට පටන් ගනියි.

ඔබ ඔබගේ ප්‍රඥාවෙන් දුටු දේ දැන් ඔබගේ ඉන්ද්‍රිය ගොචාරයට හසු වෙමින් පවතී.

එසේ නම් ඔබට අවබෝධ වනවා ඇති ප්‍රඥා ගෝචරය යනු ඉදිරිය මනසින් දැකීම බවත් ඉන්ද්‍රිය ගෝචරය යනු එම මොහොත සිදු වන අතරතුර එය ඉන්ද්‍රියෙන් ගෝචර කර ගැනීමත් බව.

ඔබ බුද්ධිමත් නම්, ප්‍රඥා ගෝචරයෙන් දකින දේ අනුව ඔබ කල් තියාම සුදානම් වනු ඇත. එසේ ප්‍රඥාව නොමැති අය එය තමන්ගේ ඉදිරිපිට සිදු වනතුරු කිසිවක් නොකර බලාසිටිනු ඇත.

නමුත් එවිට කිසිම පියවරක් ගැනීමට කල් වෙලා නැති බව එවිට වැටහෙනු ඇත.

අහස කළු වීම සමග රෙදි හකුලා ගෙට ගැනීම ඔබ ප්‍රඥා ගෝචරයෙන් නොව පුරුද්ද මත කරනා බව සැබෑය. 

නමුත් එයද ප්‍රඥාවයි.

එය උදාහරණයක් බවත්, ඔබට අවබෝධ වන පරිදි එය පැහැදිලි කිරීමට එම උදාහරණය ගත බවත් සලකා ඔබගේ ජීවිතයේ තීරණ ඉන්ද්‍රිය ගෝචරයෙන් නොව ප්‍රඥා ගෝචරයෙන් ගන්න මෙන් ඉල්ලමි.

නමුත් එක් දෙයක් ඔබ සැමවිටම තේරුම් ගත යුතුය. ලෝකයාගෙන් ඇති බහුතරය ප්‍රඥාවන්ත නොවන බවත්, ඔබ ප්‍රඥාවෙන් ගන්නා තීරණ ලෝකයාට තේරුම් කිරීමට යාම නිෂ්ඵල කාර්යයක් බවත්, ඔබ ඔබව සුදානම් කරගැනීම සුදුසුම පියවර බවත් සැමවිටකම මතක තබා ගන්න.

ඉන්ද්‍රිය ගෝචරයෙන් ගන්න දේ තුලින් ඊටත් එහා මනසින් දැකීම ප්‍රඥාවයි.

ලබාගන්නා දත්ත - ඉන්ද්‍රියන් තුලින්.
සැකසීම - මනස සහ ප්‍රඥාව තුලින්.

ප්‍රතිඵලය - සත්‍යය දැකීම.

සුභ පැතුම්..!

Sunday, November 10, 2019

සැහැල්ලුවෙන් සිටින්නේ කෙසේද...


සතුටින් සැහැල්ලුවෙන් ඉන්නේ කොහොමද කියලා ගොඩක් අය හොයනවා.

මුලින් අපි අපේ සීමාව තේරුම් අරන් ඉමු. මොන සීමාව තුලද අප සතුටින් සැහැල්ලුවෙන් ඉන්න බලාපොරොත්තු වෙන්නේ? මොකද සතුට සහ සැහැල්ලුව තීරණය වෙන්නේ අපි කතා කරන සීමාව මතයි.

අපි කතා කරන්නේ මේ මොහොත සතුටින් සැහැල්ලුවෙන් ඉන්න විදිය නම් ඒකට තියෙන්නේ එක ක්‍රමයක්.
අපි කතා කරන්නේ දවස සතුටින් ගත කරන හැටි නම් ඒ දේට තවත් විදියක්.
අපි කතා කරන්නේ මේ ජීවිතය සතුටින් ඉන්න විදිය නම් ඒකට තවත් විදියක්.

මේ මොහොත සතුටින් ඉන්න නම්, කරන්න තියෙන්නේ එක දෙයයි. අතීතය ගැන හිතන්නත් එපා, අනාගතය ගැන වැඩ වෙන්නත් එපා. මේ මොහොත සැහැල්ලුවෙන් ගත කරන්න. සරලයි.

ඔබ දවස සතුටින් ගත කරන හැටි ගැන හිතනවා නම්, දවසේ ඔබ සතුටෙන් තැබිය හැකි ඕනෙම වැඩක් කරන්න. ඒ දේ හොඳ දෙයක්ද නරක දෙයක්ද කියල වද වෙන්න එපා. ඔබ සතුටින් නම් එච්චරයි.

ඔබ බලාපොරොත්තු වෙන්නේ මේ ජීවිතය සතුටින් ඉන්න නම්, හොඳට ඉගෙන ගන්න, හොඳ රැකියාවක් කරන්න, හොඳට සල්ලි හොයන්න. හොඳ ගෙයක් හදන්න, හොඳම වාහනයක් ගන්න, හොඳ සහකරුවෙක් එක්ක විවාහ වෙන්න. ජීවිතය හොඳට විඳින්න. ඒ වෙනුවෙන් මොනවා කරන්න වුනත් ඒ දේ කරන්න.

නමුත් ඔබ එතනින් එහාට හිතුවොත්, මේ ජීවිතයෙන් පස්සේ ගැනත් හිතුවොත් ඔබටම තේරෙයි මෙච්චර භයානක මේ සංසාරය ඇතුලේ පිච්චි පිච්චි, මැරී මැරී, ඉපදී ඉපදී මේ ගෙවන කරුමක්කාර කර්ම චක්‍රය ඇතුලේ කොහොමද මම මේ මොහොත සතුටින් ඉන්නේ? කොහොමද මම මේ දවස සතුටි ඉන්නේ? කොහොමද මම මගේ මේ ජීවිතයේ සතුටින් ඉන්නේ?

මම මේ මොහොත, දවස, ජීවිතය සතුටින් ඉන්න කරන හැමදේකින්ම මම තව තවත් මගේ සංසාරය දික් කරගන්න එකයි මේ කරන්නේ.

මේ භයානක සංසාරය දිහා බලපු, මායාවෙන් එලිය සිදුරකින් ටිකක් හරි දැකපු කෙනෙක් කවදාවත් සතුටින් ඉන්නේ කොහොමද කියලා අහන්නෙවත් නෑ.

මොකද ඔහු ඉන්නේ පුදුම බයකින්.

මේ සංසාරය ගැන පුදුම බයකින්. මට මේ ඉපදී ඉපදී වයසට ගිහින් මැරිලා ආයෙමත් ඉපදිලා මේ විඳින දුක නැති කරගන්න ඕනේ කොහොමද කියලා හිතලා ඒකට වෙහෙසෙනවා මිසක් භෞතික සතුට, ලෞකික සතුටක් ගැන හිතන්නෙවත් නෑ.

ඒ නිසා මෙතෙක් කල් සතුටින් සැහැල්ලුවෙන් ඉඳල, එක පාරටම ඒ සැහැල්ලුව නැති කරගන්න අපි කවුරුත් කැමති නෑ.

ඒ නිසාම අපි මේ සත්‍ය දකින්නත් කැමති නෑ.

සත්‍ය දැකපු කෙනෙක් ගෙන් ඇයි මෙච්චර කලක් සැහැල්ලුවෙන්, සතුටින් ඉඳල, දැන් මේ එක පාරට වෙනස් වෙලා කියලා අහන්නත් එපා.

මොකද ඔබ ගැන ඔහුට කනගාටුවක්, අනුකම්පාවක් ඇති වෙයි.

ඔහු නැවතිලා ඉද්දි, ඔබ තවමත් ගමනේ යන නිසා.

ඔහුට සතුඉන් ඉඳපන් බන්, එච්චර හිතන්න එපා සැහැල්ලුවෙන් ඉඳපන් කියලා උපදෙස් දෙන්නත් එපා. 

මොකද ඔහු ඔබට වඩා දුරට දකින කෙනෙක් නිසා.

ඔබ තාමත් මේ සංසාරයේ මේ එක සුළු කොටසක් වෙන මේ ජීවිතයේ සතුට සොයන්න මහන්සි වෙලා මහන්සි වෙලා, අවසානයේ කිසිවක් නැතුව මැරිලා ගිහින් ආයෙත් ඉපදිලා ඒ ටිකම කරන කෙනෙක් නිසාත්.

ඔහු අහනවා සින්දුව ඔබට ඇහෙන්නේ නැත්නම්, ඔහුට සින්දුව වෙනස් කරන්න කියන්න එපා. ඔබත් ඒ සින්දුව අහලා බලන්න ඔබටත් ඒ සින්දුවේ ඇහෙන දේ ගැන අදහසක් එයිද කියලා.

මේ අන්තාගමී වීම නෙමෙයි.

නමුත් අධ්‍යාත්මික ලෝකය තුල හරි දේ ලෞකික ලෝකය තුල වැරදියි කියල හිතෙන්න පුළුවන්.

අපි හිතන දේ අපේ අර්ථකතන කර්මයට වැඩක් නෑ.

සනාතන ධර්මය අනුවයි හැමදේම සිද්ධ වෙන්නේ.

අවසානයේ එකක් කිව යුතුයි.

කර්මය කියන්නේ බල්ලෙක්.