හින්දු දර්ශනය.
හින්දු දර්ශනය කියන්නේ පුතෙක්. මෙයට
ඉන්නවා තවත් සහෝදරයෙක්. සම්පූර්ණයෙන්ම හාත්පසින්ම වෙනස් සහෝදරයෙක්. මුලකින් පටන්
ගෙන එමු එහෙනම්.
සනාතන ධර්මය.
සනාතන ධර්ම කියන්නේ සංස්කෘත වචන.
සනාතන කියන්නේ සදාකාලික / වෙනස් නොවෙන කියන අර්ථය. ධර්ම කියන්නේ ක්‍රමය / ස්වභාවය
කියන එක. (අපි හිතුවට ධර්මය කියන්නේ ආගම කියල එක වැරදියි)
එතකොට සනාතන ධර්මය කියන්නේ සදාකාලික
ක්‍රමය කියන එක. සනාතන ධර්මය හැමෝටම පොදුයි. මේකෙන් ගැලවෙන්න පුළුවන් කෙනෙක් නෑ.
ධර්මය සහ කර්මය කියන්නේ එකම කාසියේ දෙපැත්ත. එක ගැන අපි පස්සේ කතා කරමු.
කාටවත් ගැලවෙන්න බෑ කිව්වේ මෙන්න
මේකයි. කෙනෙක් පුනුරුප්පත්තිය පිළිගන්න පුළුවන් නොපිළිගන්නා පුළුවන්. නමුත් සනාතන
ධර්මය කියන්නේ ඇත්තටම කෙනෙක් මැරිලා අයෙත් ඉපදෙනවා නම් හා නම් පමණක් කියල
හිතුවොත්, කෙනෙක් එක පිළිගත්තත් නැතත් එයා අයෙත් අනිවාර්යෙන්ම ඉපදෙනවා. පිළිගන්න
අය විතරයි අයෙත් ඉපදෙන්නේ පිළිගන්නේ නැති අය ඉපදෙන්නේ නෑ වගේ එක එක හැඳි නෑ.
තව ටිකක් විස්තර කරොත්
ගුරුත්වාකර්ෂණය කියන්නේ සනාතන ධර්මයක්. කවුරු පිළිගත්තත් නැතත් එක හැමෝටම බලපානවා.
පිළිගන්න අය පොලවට ඇලිල ඉන්නත්
පිළිගන්නේ නැති අය පොලව උඩ පාවෙන්නෙත් නෑ නේ. ඒ වගේ තමයි හැමදේම. මම හිතනවා සනාතන
ධර්මය ගැන යම් අදහසක් දැන් ඇති කියල.
සනාතන ධර්ම කියන පියාට ඉන්නවා පුතාල
දෙන්නෙක්.
නිවුන්නු. එත් එකිනෙකට හාත්පසින්ම
වෙනස්.
එක්කෙනෙක් හින්දු ධර්මය අනිත් කෙනා
බුද්ධ ධර්මය.
හින්දු ධර්මය කියන්නේ මොකක්ද බුද්ධ
ධර්මය කියන්නේ මොකක්ද කියල වෙන වෙනම පැහැදිලිව වෙන පොස්ට් එකකින් කියන්නම්.
No comments:
Post a Comment