ශිව

අපි කලින් කතා කරානේ කවුද මේ ත්‍රිමුර්ති කියන්නේ ඇත්තටම දෙවියන්ද නැත්නම් ධර්මතාවන් ද කියලා. ඒත් පොඩි ගැටළුවක් එනවා ඇයි මේ දෙවියන් විදියට එහෙනම් අවුරුදු දහස් ගානක් තිස්සේ මිනිස්සු මේ විදියට වන්දනාමාන කරන්නේ කියලා.

ඒ ගැටලුව අපි විසඳ ගමු.

භාරතය තුල කොපමණ දෙවියන් සිටියත් ඒ සියල්ලටම වඩා වන්දනාමානයට පත් වෙන්නේ ශිව යි. මුළු භාරතයේම ශිව ලිංග හෝ කෝවිල් සොයා ගත නොහැකි පෙදෙසක් නැති තරම්. අතීතයේ ලංකාවෙත් විවිද බෞද්ධ රජවරු පවා ශිව භක්තිකයන් ව සිටිය බවට පුරා විද්‍යා සහ මහා වංශයෙන් සාක්ෂි තියෙනවා. අපි මේ තරම් ආඩම්බරයෙන් කතා කරන රාවණා මේ මුළු විශ්වයේම සිටි හොඳම ශිව භක්තිකයා. එතකොට දෙවියන් නෙමෙයි නම් ඇයි මේ හැමෝම වඳින්නේ?

මුලින් බලමු ශිව කියන්නේ මූලික ධර්මතා 3න් මොන ධර්මතාවයද කියල. උත්තරය තියෙන්නේ එතනයි.

ශිව කියන්නේ විනාශය කියන ධර්මතාවයයි.

විශ්වයේ තියෙන ප්‍රභලම ශක්තිය ඇත්තේ විනාශ කිරීමේ ධර්ම තාවයටයි.  ශිව බලසම්පන්නම දෙවියන් ලෙස හඳුන්වන්නේ ඒ නිසයි. නමුත් සත්‍ය කතාව එය ශක්තියක් පමණයි. එම ශක්තිය කෙනෙක්ට උකහාගෙන තමන්ගේ අරමුණ වෙනුවෙන් පාවිච්චි කරන්න හැකියාව තියෙනවා.

සරලව තේරුම් ගනිමු මෙහෙම.

ලංකාවේ කී දෙනෙක් නම් සූනියම් දෙවියන්ට පහන තියල ප්‍රතිලාභ බලාපොරොත්තු වෙනවද? සූනියම් දෙවියන් කියන්නේ විනාශය කියන පැත්තේ ඉන්න දෙවි කෙනෙක්. ඔහු එක්ක වැඩ කරද්දී හරි පරිස්සම් වෙන්න ඕනේ, හැමදාම පහන තියල එක දවසක් හරි පහන තියන්න බැරි වුනොත් ගොඩක් නරක දේවල් වෙනවා කියල මිනිස්සු විශ්වාස කරනවා, එත් සූනියම් දෙවියන්ටම පහන තියනවා. ඇයි?

මොකද විනාශට තමයි වැඩිම ශක්තියක් තියෙන්නේ. එක උකහාගන්න ලේසියි වගේම පාවිච්චි කරන්නත් ලේසියි.

මෙහෙම හිතමු.  මේ දවස් වල මේ තියෙන ත්‍රස්තවාදී ප්‍රශ්න එක්ක සමහර දේශපාලුවෝ කරන ප්‍රකාශ සහ ඔවුන්ගේ හැසිරීම් එක්ක මිනිස්සුන්ට කොච්චර තරහ ආවත් මිනිස්සු තාමත් ඉවසල ඉන්නවා නීතිය සහ ආරක්ෂක අංශ ගැන විශ්වාස කරලා. හැබැයි එක කොච්චර අමාරු වැඩක්ද කියල මම අමුතුවෙන් කියන්න ඕනේ නෑ මේ කාටවත්.

ඒත් කොච්චර ලේසිද අතේ තුවක්කුවක් තිබ්බ නම් ඔය මිනිස්සු සේරටම එක පාර තියල දාන්න? කී දෙනෙක්ට නම් එහෙම හිතිලා ඇත්ද දැනටමත්. බලන්න විනාශය ට යන්න කොච්චර ලේසිද. ඒත් හොඳ පැත්තට යන එක ලේසි වැඩක් නෙමෙයි. ඒ වගේ තමයි හොඳින් ජීවත් වෙන මිනිස්සු අපා දුක් විඳින අතරේ හැම ජරා වැඩේම කරන හොරකම් කරන මිනි මරණ මිනිස්සු සැප ජීවිත ගත කරනවා. අපිත් හිතනවා අපි මෙච්චර හොඳට ඉඳලත් හැමදාම දුක අරුන් හැම ජරා වැඩේම කරලා කොච්චර සැපට ඉන්නවද කියලා. එහෙම තමයි. නරක සහ විනාශය කියන දේ බලවත්. හැබැයි ඒ කෙටි කාලෙකට විතරයි. කරනකන් සැපයි, කරලා ඉවර වෙලා ගෙවන්න වෙද්දී  තේරෙයි.

එතකොට ශිව ට රාවණා ගේ ඉඳන් මිනිස්සු වඳින්නේ ඇයි?

එක තේරුම් කරන්න මම “මාවල් කොමික් - ඩොක්ටර් ස්ට්‍ර්න්ජ්” චිත්‍රපටියෙන් උදාහරණයක් ගන්නම් සරලව තේරුම් ගන්න පුළුවන් වෙන්න.

ඒන්ශන් වන් (තට්ටේ තියෙන ගෑනු කෙනා) ඩාර්ක් ඩයිමෙන්ෂන් (අඳුරු මානයෙන්) ශක්තිය අරගෙන තමයි අවුරුදු දහස් ගානක් වයසට නොගිහින් ලොකු බලයක් එක්ක ලෝකේ වෙනුවෙන් සටන් කරන්නේ. එයා එක නරක විදියට පාවිච්චි කරන්නේ නෑ. එත් ගන්නේ අඳුරු මානයේ විනාශ කිරීමේ ශක්තිය.

කෛසෙලියස් (ඇස් යට කළු වෙලා තියෙන කෙනා :D ) ශක්තිය ගන්නෙත් අඳුරු මානයෙන් මයි. එත් එයා අඳුරු මායාවෙන් මුලා වෙලා ඒ ශක්තිය පාවිච්චි කරන්නේ නරකට. එයා එන්ෂන්ට් වන් ටත් වඩා බලවත් වෙනවා අවසානයේ.

ශිව ගෙන් ගන්න ශක්තිය කියන්නෙත් එහෙම විනාශ කිරීමේ ප්‍රභල ශක්තියම තමයි. එත් එක පාවිච්චි කිරීම අදාළ කෙනා සතුයි. ගොඩක් අය ඒ ශක්තියෙන් මුලා වෙලා නිකන් අමාරුවේ වැටෙනවා. (රාවණාත් ඊට උදාහරණයක්) ඒ ගැන පස්සේ කතා කරමු.

ශිව තාණ්ඩව ස්තෝත්‍රය කියන්නේ ගොඩක් ප්‍රතිපල තියෙන ස්තෝත්‍රයක්. එකෙන් විශ්වයේ ඇති ශක්තිය (විනාශ කිරීමේ ප්‍රභල ශක්තිය) අපි වෙත ඇදෙනවා. තමන්ගේ සීමාව දැනගෙන පාවිච්චි කරොත් ඉන් ප්‍රයෝජන ගන්න වගේම ඉන් මුසපත් වෙලා මුල වුනොත් තමන්ගේම විනාශය ලඟා කරගන්නත් පුළුවන්.

ඉතින් ශිව වන්දනා කරලා මිනිස්සු බලාපොරොත්තු වෙන්නේ මෙන්න මේ ශක්තිය තමන්ට ලැබිල තමන්ගේ ජීවිත සුඛිත මුදිත වෙයි කියන දේයි. එහෙම නොවෙනවා නෙමෙයි. ඒත් එය එක්තරා සූදුවක් වගේ. පොඩ්ඩ වැරදුනොත් සියල්ල විනාසයි.

අපේ හින්දු ධර්මය ගැන ලිපි පෙලේ කිව්වා මතක ඇති හින්දු ධර්මය මෙලොව ලෞකික බව වර්ධනය කරන සහ දෙවිවරු තරම් ප්‍රභල වීම වගේම අමරණීය බව බලාපොත්තු වෙන සනාතන ධර්මයේ පුතා බව. ඒ ගැන මේ ලිපියෙන් යම් අදහසක් ලැබෙන්න ඇති කියල හිතනවා.