අද දේව්දාස් මේ ලිපිය ලියන්නේ ලොකු සතුටකින්. හේතුව... හේතුව තමයි ලිපියේ මාතෘකාව. බලාපොරොත්තුව. තේරෙන්න කියනවා නම්, අද දේව්දාස් ගේ ලොකුම බලාපොරොත්තුව ඉෂ්ට වුණා...
පාරෝ... පාරෝ, උසස් පෙළ විභාගය ඉහලින්ම සමත්... විශිෂ්ට සාමාර්ථ 3ක්. දිස්ත්‍රික් කුසලතාව 19.
අද දේව්දාස් ට ජීවිතයේ සතුටුම දවසක්...
" දේව්, අපි දෙන්නම කැම්පස් යනවා නම් යමු. මම නම් යන්නේ නෑ, ඔයා ආවේ නැත්නම්..."
මතකද එදා ඔයාට මම බැනපු හැටි. ඔය මූණ දුකින් පුරව ගෙන මගේ දිහා බලන් හිටපු හැටි... අද ඒ දේ ඒ විදියටම සිද්ද වෙලා...
මට ඔයාට කතා කරලා සුභ පතන්නවත් විදියක් නෑ... ඒත් මගේ සුභ පැතුම්, ආශීර්වාදය, ආදරය ඔයා එක්ක හැමදාමත් තියෙනවා... ඉහලටම යන්න පුළුවන් වෙන්න ඕනේ ඔයාට...
ලතා මඩුලු අත වනාවි... එපා අහක බලන්න...
මා ගැන මතකය ගුලි කර... මහවැලියට දමන්න...
දැන් ඔයා මට වඩා ගව් ගණනක් දුරින්... මගේ ආදරේ මම පරිස්සමින් අරන් තියනවා... ඔයාගේ ලෝකේ... :) ඔයාගේ ලෝකේ ඔයා ලස්සනට සරසන්න. මගෙන් සුභ පැතුම්...
හැමදාමත් ඔයාට ආදරේ,
දේව්දාස්...
එතකොට දේව් ඔයාගෙ....????????
ReplyDeleteඑතකොට..................??? අන්තිමට ප්‍රශ්නාර්ථයක් ද??
ReplyDeleteසුභ පැතුම් පාරෝට!!!
මුකුත්ම කියන්න හිතෙන්නෙ නෑ දේව්.... :((((((
ReplyDelete