Thursday, April 30, 2020

මුකුත් නෑ කියන්නේ ඔක්කොම තියෙනවා...

අපි හැමෝම දන්නවනේ මේ විශ්වයේ තියෙන්නේ මූලික වර්ණ 3යි. නිල්, රතු සහ කොළ. මේ වර්ණ තුන එකතු වෙලා තමයි මේ ලෝකේ තියෙන අනිත් හැම වර්නයක්ම හැදෙන්නේ. මේ කතා කරන්නේ ආලෝකය ගැන. පටලව ගන්න එපා. මොකද කොලේක පාට කූරක් ගෑවම මේ දේ තේරෙන්නේ නෑ, ආලෝකය මගිනුයි මේ දේ තේරුම් ගන්න ඕනේ.
හිරු එලිය අවර්නයයි. නෑ. ඇත්තටම හිරු එලිය සුදු පාටයි. ඔබ දැන් ෆෝන් එකේ ස්ක්‍රීන් එකෙන් ඇස් අයින් කරලා ඔබේ අත දිහා බැලුවොත්, ඔබේ ඇස සහ අත අතර තියෙන හිස් අවකාශයේ මුකුත් නෑ වගේ පෙනුනට ඇත්තටම එතන හිරු එලිය තියෙනවා. (පොස්ට් එක දාන්නේ දවල්) ඒත් ඒ හිරු එලියට ගැටිලා පරාවර්තනය වෙන්න පෘෂ්ඨයක් නැති නිසා අපිට හිරු එලිය තියේද පේන්නේ නෑ. නමුත් ඇත්තම කතාව ඒ අතරේ සුදු පාට හිරු එලිය තියෙයි.
දැන් අපි කලින් කිව්වා නේද මේ ලෝකේ තියෙන්නේ පාට තුනයි කියලා. එතකොට සුදු පාට හැදෙන්නේ කොහොමද?
සුදු පාට හැදෙන්නේ ඒ මුලික වර්ණ තුන එකට එකතු වෙලා. නිල, රතු, කොළ පාට තුන එකට එකතු වුනාම හැදෙන්නේ සුදු ආලෝකය.
ඒ වගේ නිල සහ කොළ එකතු වෙලා කහ, රතු සහ නිල එකතු වෙලා දම් (මැජෙන්ටා), කොළ සහ රතු එකතු වෙලා ලා නිල (සයැන්) වර්ණ හැදෙනවා. ඒවා ද්විතීක වර්ණ. ඊට පස්සේ මුලික වර්ණ සහ ද්විතීක වර්ණ එකතු වෙලා ආයෙත් වර්ණ හැදෙනවා. රතු කහ එකතු වෙලා තැඹිලි, ඔය විදියට අනන්ත සංඛ්‍යාවක් හැදෙනවා මේ මුලික වර්ණ තුනේ විවිද සංයෝජන හේතුවෙන්.
ඒ කියන්නේ අපිට අවර්නයි කියල පේන ඔබේ අතයි ඇසයි අතරේ තියෙන මේ හිරු එලිය තුල මේ සියලුම වර්ණ තියෙනවා. එය කොහේ හෝ පෘෂ්ටයක ගැටීමෙනුයි ඒ ඇතුලේ තියෙන සංයෝජකයක් එලියට එන්නේ.
ඒ කියන්නේ නිකන්ම නිකන් මුකුත්ම නැති අවර්ණ හිරු එලිය මේ ලෝකේ තියෙන අනන්තවත් වූ වර්ණ සියල්ලම හදනවා.
දැන් අපි එමු වෙනම කතාවකට.
අපි දැන් ආලෝකය ගැන දන්නවනේ. දැන් බලමු වර්ණ ගැන. (අපි පාවිච්චි කරන පාට කූරු වගේ වර්ණ)
ඔන්න සුදු පාට කොලයක් තියෙනවා. මේකට හිරු එලිය වැටුනට කිසිම වෙනසක් නෑ. අපිට සුදු පාට කියල පෙන්නේ ඒ ආලෝකය නිසානේ.
කතාව ටිකක් වෙනස් වෙන්නේ මෙන්න මෙතනින්.
මේ සුදු පාට කොලේ සුදු පාට විදියට අපිට පෙන්නේ මේ කොළයෙන් කිසිම ආලෝකයක් නවත්තන්නේ, අලවන්නේ, උරාගන්නේ නැතුව එන ආලෝකය එහෙමම අනිත් පැත්තට පරාවර්තනය කරන නිසයි.
මේ සුදු පාට කඩදාසියේ අපි නිල් පාට චෝක් කෑල්ලකින් ඉරක් ඇන්දා කියල හිතමු,
දැන් සිද්ධ වෙන්නේ මේ එන ආලෝක වර්ණ තුනෙන් කොළ සහ රතු ආලෝක අර ඉරෙන් උරාගෙන පරාවර්තනය කරන්නේ නිල ආලෝකය විතරයි. දැන්අ පිට ඒ ඉර පෙන්නේ නිල් පාටට.

ගැටළුවක් එන්න පුළුවන් නිල් කියන පාටින් ඉරක් ඇන්දේ කොහොමද එහෙනම් කියල.

ඇත්තටම නිල් ඉරක් අඳිනවා කියන එකෙන්වෙ න්නේ අපි අර සුදු කඩදාසියේ මතුපිට පෘෂ්ඨයේ ස්වභාවය වෙනස් කරන එක විතරයි.

සුදු කඩදාසියෙන් කිසිම වර්ණයක්උ රාගත්තේ නෑ. අපි කරේ කොළ සහ රතු ආලෝකය උරාගන්නා විදියට කඩදාසියේ මතුපිට ස්වභාවය වෙනස් කරපු එකයි.
දැන් වෙන්නේ රතු සහ කොළ ආලෝකය ඒ ඉර විසින් උරාගන්නවා. පිටට දෙන්නේ නිල විතරයි. ඒ නිසා අපිට නිල ඉරක් පේනවා.
මේ විදියට අපි බලමු රතු ඉරි සහ කොළ ඉරි ඇන්දොත් මොකද වෙන්නේ කියල.
මතක තියාගන්න සිද්ද වෙන්නේ සුදු කඩදාසියේ මතුපිට ස්වභාවය වෙන කිරීමක් පමණයි.
කොළ ඉරක් ඇන්දොත්...
දැන් සිද්ධ වෙන්නේ මේ එන ආලෝක වර්ණ තුනෙන් නිල් සහ රතු ආලෝක අර ඉරෙන් උරාගෙන පරාවර්තනය කරන්නේ කොළ ආලෝකය විතරයි. දැන් අපිට ඒ ඉර පෙන්නේ කොළ පාටට.
රතු ඉරක් ඇන්දොත්...
දැන් සිද්ධ වෙන්නේ මේ එන ආලෝක වර්ණ තුනෙන් කොළ සහ නිල් ආලෝක අර ඉරෙන් උරාගෙන පරාවර්තනය කරන්නේ රතු ආලෝකය විතරයි. දැන් අපිට ඒ ඉර පෙන්නේ රතු පාටට.
එතකොට කහ පාට ඉරක් ඇන්දොත්?
දැන් සිද්ධ වෙන්නේ මේ එන ආලෝක වර්ණ තුනෙන් නිල් ආලෝකය අර ඉරෙන් උරාගෙන පරාවර්තනය කරන්නේ කොළ සහ රතු ආලෝක විතරයි. දැන් අපිට ඒ ඉර පෙන්නේ කහ පාටට පාටට. මොකද රතු සහ කොළ ආලෝකය එකතු වුනාම හැදෙන්නේ කහ.
මේ විදියට සියලුම ද්විතීක වර්ණ හැදෙනවා.
ත්රිතීක වර්ණ...      තැඹිලි පාට හැදෙන්නේ?
දැන් සිද්ධ වෙන්නේ මේ එන ආලෝක වර්ණ තුනෙන් නිල් ආලෝකය අර ඉරෙන් උරාගෙන පරාවර්තනය කරන්නේ කොළ සහ රතු ආලෝක විතරයි.
මෙතන ටිකක් සංකීර්ණයි.
කොළ සහ රතු ආලෝක පරාවර්තනය කරනවා වගේම රතු තනියමත්, නැවත රතු සහ කොළ එකතු වී කහ ත් විදියට ත් නැවත ඒ දෙක එකතු වේ තැඹිලි විදියටත් හැදෙනවා.
කොයිතරම් සංකීර්ණ ක්රියාවලියක්ද කියල ඔබට වැටහෙනවා ඇති මේ ක්‍රියාවලිය.
මෙතැනදී සුදු ආලෝකය ඇතුලේ සියලුම වර්ණ තියෙන බව ඔබට වැටහෙනවා ඇති.
ඒ සුදු ආලෝකය සැදී ඇත්තේ කොළ, රතු සහ නිල යන ආලෝක වර්ණ වලින් බවත්, ඒ මූලික වර්ණ තුන එකතු වී ද්විතීක වර්ණ සෑදෙන බවත්, එම ද්විතීක වර්ණ මූලික වර්ණ සහ ද්විතීක වර්ණ සමග එකතු වී ත්රිතීක වර්ණ සෑදෙන බවත්, මෙම මූලික, ද්විතීක සහ ත්රිතීක වර්ණ එකතු වී අනන්තයක් වූ වර්ණ සෑදෙන බවත් ඔබට වැටහෙනවා ඇති.
නමුත් වැදගත් වන්නේ මෙයයි.
මේ සියලුම අනන්තයක් වූ වර්ණ ඇත්තේ කිසිම වර්ණයක් නොමැති සුදු ආලෝකය තුලයි.
එනම් කිසිවක් නැති සුදු ආලෝකය යනු සියල්ලයි.

2 comments: